| Orð | Skýring |
|---|---|
| Sjálfbær þróun | Á hugtakinu sjálfbær þróun eru margar skilgreiningar. Ein þeirra er úr svokallaðri Bruntlandskýrslu sem kom út árið 1987 og er á þessa leið: „Mannleg starfsemi sem fullnægir þörfum samtímans án þess að draga úr möguleikum framtíðarkynslóða til að fullnægja sínum þörfum.“ |
| Sjálfbærni | Orðið er þýðing á enska heitinu sustainability og hefur áþekka merkingu og sjálfbær þróun en þó með þrengra sjónarhorni. Hugtakið á við þegar sjálfbærni er skoðuð innan fyrirtækja, atvinnugreina eða einstakra verkefna. |
| Vísir | Gildi sem notað er til að meta áhrif af framkvæmdum og starfsemi vegna virkjunar, iðnaðaruppbyggingar og aukinna umsvifa í ferðaþjónustu. |
| Mælikvarði | Mæling sem notuð er til að fylgjast með þróun á vísum. |
| Grunnástand |
Upphafleg staða tekin á tíma áður en áhrifa framkvæmda og starfsemi er farið að gæta, notuð til að bera saman við síðari gildi. Grunnástand miðast við stöðuna árið 2011. |
| Framkvæmdir | Með framkvæmdum er átt við byggingu Þeistareykjavirkjunar, lagningu lína frá Þeistareykjavirkjun, uppbyggingu iðnaðar á Bakka og lagningu vega sem tengjast framangreindu. |
| Viðmið |
Einstökum vísum tengjast reglugerðir og lög þar sem kveðið er á um tiltekin mörk eða styrk. Þetta á til dæmis við um þau atriði sem fylgst er með í hljóð- og andrúmsloftsvísum. Sem dæmi má nefna að á tilteknum stöðum má styrkur hljóðs ekki fara yfir ákveðin fjölda desibila. Í vísum þar sem sett eru fram viðmið er horft til þeirra laga- og reglugerða sem við eiga ásamt starfsleyfum fyrirtækja og ákvæðum í þeim. |
| Faghópur | Við mótun vísa verkefnisins voru settir saman þrír hópar á sviði þriggja stoða sjálfbærni; samfélag, umhverfi og efnahagur. Hóparnir voru skipaðir sérfræðingum af hverju sviði og höfðu þeir það hlutverk að yfirfara vísa verkefnisins út frá faglegum sjónarhornum. |